گلگت۔
محکمہ سکول ایجوکیشن گلگت بلتستان،
آغاخان فاؤنڈیشن پاکستان اور قراقرم انٹرنیشنل یونیورسٹی گلگت بلتستان کے اشتراک سے قراقرم انٹرنیشنل یونیورسٹی میں ایجوکیشن سٹیک ہولڈرز کانفرنس کا انعقاد کیاگیا۔ کانفرنس میں وزیر تعلیم گلگت بلتستان شہزاد آغا، چیف سیکرٹری گلگت بلتستان ابرار احمد مرزا،سیکریٹری تعلیم گلگت بلتستان سید اختر رضوی، قائم مقام وائس چانسلر کے آئی یو پروفیسر ڈاکٹر عبدالرزاق، ،ڈائریکٹر جنرل محکمہ تعلیم فیض اللہ لون،جامعہ قراقرم کے سینئرانتظامی وتدریسی آفیسران،نجی و سرکاری سکولوں کے پرنسپلزو اساتذہ، محکمہ تعلیم کے زمہ داران،گلگت بلتستان کے سینئرصحافی حضرات سمیت طلبہ وطالبات کی کثیر تعداد موجود تھے۔کانفرنس منعقد کرنے کا مقصد سکولوں اور کالجوں میں معیار تعلیم کو بڑھانے سمیت نتائج پہ مبنی نظام تعلیم کے فروغ تھا۔بطور مہمان خصوصی کانفر س سے خطاب کرتے ہوئے چیف سیکریٹری گلگت بلتستان ابرار احمد نے کہاکہ گلگت بلتستان کے چار سو سکولوں کو سمارٹ سکول بنانے کے ساتھ ساتھ ان اسکولوں کو خود مختار بنا رہے ہیں تاکہ سکولوں کی کارکردگی مزید بہتر ہوسکے۔انہوں نے کہاکہ علم اخلاق اور اچھے اقدار سمیت احساس زمہ داری پیدا کرتی ہے۔لہذا ہمیں ان اصولوں کو اپنانے کی ضرورت ہے تاکہ نظام تعلیم میں مزید بہتری آسکے۔انہوں نے کہاکہ نظام تعلیم کو بہتر سے بہتر بنانے کے لیے اپنے بساط کے مطابق جو ہوسکے کریں گے۔اس سے قبل سیکریٹری تعلیم گلگت بلتستان سید اختر رضوی نے افتتاحی کلمات پیش کرتے ہوئے کہاکہ کانفرنس کے زریعے ثانوی تعلیم کو درپیش مسائل سے متعلق ماہرین تعلیم کی آراء جمع کرتے ہوئے قلیل المدتی و طویل المدتی مضبوط پالیسی مرتب کرنا ہے تاکہ جدید تقاضوں کے مطابق نظام تعلیم کو لایا جائے اوربہترین نتائج ہمارے سامنے آسکیں۔
کانفرنس سے خطاب کرتے ہوئے قائم مقام وائس چانسلر کے آئی یو پروفیسر ڈاکٹر عبدالرزاق نے تعلیمی معیار کو بڑھانے اور نتائج پہ مبنی تعلیم کے لیے محکمہ تعلیم کی جانب سے کانفرنس کے انعقاد کو خوش آئند قرار دیتے ہوئے کہاکہ کانفرنس کو ثانوی اور اعلیٰ ثانوی تعلیم میں معیار بڑھانے کے لیے معاون قرار دیا۔قائم مقام وائس چانسلر نے کہاکہ جامعہ قراقرم محکمہ تعلیم گلگت بلتستان کو خطے میں تعلیمی معیار کو بڑھانے کے لیے اپنی طرف سے ہر ممکن تعاون فراہم کرے گی۔کانفرنس سے خطاب کرتے ہوئے ڈائریکٹر جنرل ایجوکیشن فیض اللہ لون،ڈائریکٹر ایجوکیش گلگت ڈویژن بہادر علی،ڈاکٹر حاجی کریم خان کنٹرولر امتحانات و ڈائریکٹر اکیڈمک یونیورسٹی آف بلتستان،برگیڈئیر فیصل پرنسپل کیڈٹ کالج سکردو،ڈاکٹر صدر الدین قطوشی ہیڈ شعبہ ایجوکیشن کے آئی یو سمیت دیگر مقررین نے کانفرنس کواہمیت کی حامل قرار دیتے ہوئے کامیاب کانفرنس کے انعقاد پر منتظمین کو مبارک باد پیش کی۔
08:35:23 AM
18 September, 2024
عید میلاد النبی ﷺ کی اس بابرکت محفل میں رکن اسمبلی و چئیرمین ریفارمز کمیٹی امجد حسین ایڈوکیٹ، وزیر اعلی گلگت بلتستان کے معاون خصوصی برائے اطلاعات ایمان شاہ، سیکریٹری داخلہ کیپٹن (ر) علی اصغر ، ترجمان فیض اللہ فراق، کمشنر گلگت ڈویژن کمال خان سمیت مختلف مذہبی، سیاسی اور سماجی شخصیات ، اساتذہ اور طالبات کی کثیر تعداد نے شرکت کی۔
اس موقع پرمقررین نے خطاب کرتے ہوئے سیرت سرکار دوعالم کے مختلف پہلووں پر روشنی ڈالی اور کہا کہ حضور اکرم ؐکی سیرت طیبہ کا ہر پہلو نرالہ اور امت کیلئے مینارہ ہدایت ہے جس پر عمل کر کے انسان دونوں جہانوں کی کامیابیوں سے ہمکنار ہو سکتا ہے۔ امت مسلمہ کی تمام مشکلات و مصائب کا حل فقط پیغمبر ﷺ کی تعلیمات اورقرآن مجید کی تعلیمات و احکام پہ عمل کرنے میں مضمر ہے۔ تمام دنیا کے مسلمانوں کو ایک نبی کے امتی کے طور پر آپس میں رواداری اور بھائی چارہ کو فروغ دینا ہوگا اور مسلمانوں کے خلاف سازشوں کا ملکر مقابلہ کرنا ہوگا۔
مقدس و بابرکت تقریب میں طالبات نے نبی کریمﷺ کی شان اقدس میں گلہائے عقیدت پیش کئے۔
08:33:14 AM
18 September, 2024
آج کا یہ دن ہر مسلمان کے دل میں عشق ِرسول ﷺ کی شمع روشن کرتا ہے، اللہ تعالیٰ نے رسول اللہ ﷺ کی زندگی کو ہمارے لیے بہترین نمونہ قرار دیا،آپؐ کی سیرتِ طیبہ ہمیں ہر شعبۂ زندگی میں رہنمائی فراہم کرتی ہے۔ ہم سب کو دنیا اور آخرت میں کامیابی حضرت محمد خاتم النبین کے سیرت پر عمل کرنے سے ملے گی۔
08:30:27 AM
18 September, 2024
گلگت میں عید میلادالنبی ﷺکے موقع پر دن کا آغاز 21 توپوں کی سلامی سے کیا گیا۔
علاوہ ازیں عید میلاد النبی ﷺ کے سلسلہ میں گلیوں، محلوں اور بازاروں کو خوبصورت روشنیوں، برقی قمقموں اورسبز جھنڈیوں سےسجا دیا گیا ہے جبکہ سرکاری و نجی عمارتوں پر بھی چراغاں کیا گیا ہے۔مساجد کو بھی برقی قمقموں سے سجایا گیا ہے جبکہ درود و سلام اور نعت خوانی کی محافل کا انعقاد کیا جارہا ہے، فضائیں درود و سلام سے معطر ہیں۔
08:29:08 AM
18 September, 2024
سکردو۔ گورنر گلگت بلتستان سید مہدی شاہ چیئرپرسن بینظیر انکم سپورٹ پروگرام روبینہ خالد کو سونئیر دے رہے ہیں۔ Syed Mehdi Shah
08:17:09 AM
18 September, 2024
اس موقع پر انہوں نے کہا کہ پولو گلگت بلتستان کا قومی کھیل اور ہماری تاریخی و ثقافتی ورثے کا ایک حصہ ہے۔ پولو کھیل کو عوام میں مقبول عام بنانے اور دیرینہ روایات کی ترویج کیلئے حکومتی سطح پر ٹھوس اقدامات کئے جائینگے۔ انہوں نے جشن آزادی پولو فیسٹیول میں چترال کی ٹیم کی شرکت کو خوش آئند قرار دیا اور فورس کمانڈر گلگت بلتستان میجر جنرل کاشف خلیل کی فیسٹیول کے کامیاب انعقاد کیلئے کاوشوں کو بھی سراہا۔
جشن آزادی پولو فیسٹول میں مجموعی طور پر15 ٹیموں نے حصہ لیا جبکہ پہلی بار چترال کی ٹیمیوں نے بھی شرکت کی۔
جشن آزادی پولو ٹورنامنٹ کا فائنل میچ گلگت بلتستان سکاؤٹس اور این ایل آئی کے مابین کھیلا گیا، جس میں این ایل آئی کی ٹیم نے فتح حاصل کی۔
وہاب شہید پولو گراؤنڈ میں کھیلے گئے میچ کو شائقین کی ایک بڑی تعداد نے دیکھا اور محظوظ ہوئے، میچ کے آخر میں شاندار آتش بازی کا بھی مظاہرہ کیا گیا۔
08:14:52 AM
18 September, 2024
اس موقع پر منیجنگ ڈائریکٹر نیٹکو و سیکریٹری خزانہ عزیز احمد جمالی نے گورنر گلگت بلتستان کو ادارے میں کی جانے والی اصلاحات پر بریفنگ دی اور بتایا کہ نیٹکو اب خسارے سے نکل چکا ہے۔
نیٹکو میں آن لائن ٹکٹنگ سسٹم متعارف کرایا گیا ہے اور تمام سٹیشن/ٹرمینل کو عہد جدید کے تقاضوں سے مزین کیا جارہا ھے۔ اضافی خدمات میں شہری عوام کے لئے سٹی ٹرانسپورٹ اور سیاحوں کے لئے لگژری جیپ V8 سروس کا آغاز کیا گیا ھے۔ اس کے علاوہ گلگت کاشغر بس سروس بھی ادارے کے منصوبہ جات میں شامل ھے۔
08:12:04 AM
18 September, 2024
